project title. entry in the open architecture competition for the extension building of the Icelandic Parliament

date. December 2016

architectural design. Borghildur Indriðadóttir & my grandfather architect Vilhjálmur Hjálmarsson FAÍ

engineering skills. Kristján S. Guðmundsson FVFÍ

graphic touch. Björg Vilhjálmsdóttir

third eye. my grandmother Borghildur Óskarsdóttir

number of entries. 22

jury from the Icelandic Parliament. Einar K. Guðfinnsson, Brynhildur Pétursdóttir, Helgi Bernódusson, Sigurður Einarsson

jury from the Icelandic Architectural Association. architects: Anna María Bogadóttir, Pétur H. Ármannsson, Sigríður Ólafsdóttir

winning design. Studio Granda: architects Margrét Harðardóttir and Steve Christer with artist Kristinn E. Hrafnssonar

location. Reykjavík center

the winning proposal. as see here by Studio Granda

ÞINGMANNAHÚSIÐ VIÐ VONARSTRÆTI

 

 

 

EINSTAKUR REITUR

 

Byggingarreit Alþingis er vel komið fyrir í miðbæ Reykjavíkur. Á svæðinu, sem nú heitir Kvosin, reistu frumbyggjar landsins skála á malarrifi milli sjávar og tjarnar. Rannsóknir benda til þess að þarna og í næsta nágrenni hafi seint á 9. ölda og fram á 10. öld risið eins konar víkingabær með stórum skálum og athafnasvæðum á gamla malarrifinu.

 

Verkefnið sem liggur fyrir er að reisa nýjar byggingar á reitnum, og tengja þær húsum sem fyrir eru. Á reitnum eru nú þegar nokkur hús, sem snúa öll að Kirkjustræti. Þessi þyrping ólíkra húsa frá ólíkum tímum er krefjandi og spennandi. Ný hús og gömul, ólík að stærð og efni, hvert hús með sínum aldarbrag og fegurð sem tækni og handverk þess tíma hefur mótað. Hugmynd okkar er að ólíkar byggingar myndi saman sterka og aðlaðandi heild; sannkallaða borgarprýði og frábæran vinnustað.

 

 

BORGARPRÝÐI

 

Við teljum mikilvægt að hafa í huga að frá því að Alþingi var fundinn staður í Reykjavík, eftir að það hafði verið endurreist 1845, hefur starfsemi þess og saga fléttast saman við sögu Reykjavíkur. Við lítum svo á að uppbyggingin á alþingisreitnum muni styrkja Reykjavík sem höfuðborg og að hún verði um leið liður í endurreisn miðborgarinnar eftir langt hnignunarskeið. Segja má að sú endurreisn hafi hafist með byggingu Hörpu og endurgerð gamalla timburhúsa í Kvosinni. Við leggjum áherslu á að tillagan taki mið af því besta í umhverfinu hvort sem það er byggt úr steinsteypu, eins og við Vonarstræti og Tjarnargötu, eða úr hlöðnum steini og timbri eins og er við Kirkjustræti. Það skiptir miklu máli að uppbyggingin skapi fallegar borgarbyggingar og aðlaðandi göturými, torg og garða.

STRENGIR STILLTIR SAMAN

 

Í tillögu okkar gerum við ráð fyrir að reisa 4 til 5 hæða byggingar með skrifstofum og fundarsölum á suður og vesturmörkum lóðarinnar við Vonarstræti og Tjarnargötu. Þetta er Þingmannahúsið. Suðurhlið þess rís andspænis Ráðhúsi Reykjvíkur og myndar þannig samfellu í göturými Vonarstrætis. Við sjáum fyrir okkur að þarna, þar sem gengið er inn í Þingmannahúsið verði til sólríkt torg sem nær yfir Vonarstræti. Okkur þykir Vonarstræti einstaklega fallegt götuheiti.

 

Við gefum nýjum byggingum og svæðum Alþingisreitsins nöfn sem vísa til sögunnar og landslagsins. Nýbyggingar Þingmannahússins tengjast  með glæsilegri, trektlaga glerbyggingu. Þetta er Gjáin. Hún myndar anddyri þingmannahússins og felur í sér vísun til Almannagjár og Þingvalla og um leið til hinna miklu jarðfræðilegu krafta landreksins, sem Ísland á tilveru sína að þakka. Glerhjúpurinn, settur saman úr bláleitum og grænleitum glerstrendingum, tryggir að sól og birta leika þar ævintýraleg tilbrigði sín, flæða í gegnum trektlaga gjána, inn og út um glugga og gangvegi og áfram  inn á miðju reitins, útisvæðið sem við köllum Þingmannagarð.

Þingmannagarðurinn verður skjólsæll og bjartur. Hann er á milli nýja Þingmannahússins og gömlu húsaraðarinnar við Kirkjustræti. Í garðinum er Hólmurinn umlukinn vatni en yfir garðinn liggur svífandi, bogadregin og yfirbyggð brú, Spöngin, sem gengur í gegnum stakt hringlaga hús og svo áfram yfir í Skálann. Hringlaga húsið er Nýja Kringla. Við vekjum athygli á því að hringlaga form eru tilbrigði við stef úr gamla Alþingisgarðinum. Í Nýju Kringlu hefur forseti Alþingis sína aðstöðu ásamt starfsfólki. Með þessu fyrirkomulagi viljum við leggja áherslu á mikilvægi en um leið hlutleysi þingforsetans. Nýja Kringlan er hugsuð sem miðstöð í æðakerfi Alþingis. Allir þingmenn sem fara úr Þingmannahúsinu yfir í þinghúsið eiga þarna leið um. Á jarðhæð Nýju Kringlu verður hjólageymsla þingmanna og starfsfólks þingsins.

...

Project 06
althing.PNG
Project 06